سینیٹ میں سوشل میڈیا صارفین کی عمر کی حد کا بل پیش

اسلام آباد — سینیٹ میں ایک نیا بل پیش کیا گیا ہے جس میں سوشل میڈیا صارفین کے لیے کم از کم عمر 18 سال مقرر کرنے کی تجویز دی گئی ہے۔ اس بل کا مقصد نوجوانوں کو آن لائن خطرات، نفسیاتی دباؤ اور سوشل میڈیا کے منفی اثرات سے بچانا ہے۔

بل کے مطابق، سوشل میڈیا کمپنیاں صارفین کی عمر کی تصدیق کی پابند ہوں گی، اور خلاف ورزی پر قانونی کارروائی یا جرمانے بھی ہو سکتے ہیں۔ سینیٹرز کا کہنا ہے کہ کم عمر افراد کی ذہنی صحت کو سوشل میڈیا بری طرح متاثر کر رہا ہے، اس لیے کنٹرول ناگزیر ہو چکا ہے۔

کچھ حلقے اس بل کو مثبت قدم قرار دے رہے ہیں، جب کہ دیگر کے مطابق یہ ڈیجیٹل آزادی پر قدغن ہو سکتی ہے۔ تاہم، سوشل میڈیا صارفین کی عمر کی حد مقرر کرنے کا رجحان دنیا کے کئی ممالک میں پہلے ہی اپنایا جا چکا ہے۔

---