جوائنٹ فیملی سسٹم وقت کی ضرورت ہے، زارا نور عباس کا دل چھو لینے والا پیغام

اکستانی شوبز انڈسٹری کی معروف اداکارہ زارا نور عباس نے حال ہی میں جوائنٹ فیملی سسٹم کے حوالے سے ایک جذباتی پیغام شیئر کیا ہے، جو سوشل میڈیا پر صارفین کی توجہ کا مرکز بن گیا ہے۔

زارا نور عباس نے اپنے انسٹاگرام اکاؤنٹ پر ایک تصویر کے ساتھ تحریر کیا کہ “جوائنٹ فیملی سسٹم صرف روایتی اندازِ زندگی نہیں بلکہ ایک ضرورت ہے۔ یہ نظام ہمیں صرف جگہ ہی نہیں دیتا، بلکہ جذباتی اور ذہنی سہارا بھی فراہم کرتا ہے۔”

اداکارہ نے مزید کہا کہ موجودہ دور میں جہاں لوگ تنہائی، ڈپریشن اور عدم تحفظ کا شکار ہیں، وہاں خاندان کے ساتھ رہنا ایک نعمت سے کم نہیں۔ انہوں نے اس بات پر زور دیا کہ جوائنٹ فیملی سسٹم انسان کو سماجی طور پر مضبوط بناتا ہے اور نسلوں کے درمیان رشتہ جوڑ کر رکھتا ہے۔

زارا نور عباس کے اس پیغام کو سوشل میڈیا صارفین کی جانب سے خوب سراہا جا رہا ہے۔ کئی صارفین نے تبصرہ کرتے ہوئے لکھا کہ یہ پیغام واقعی آج کے معاشرے کی ایک اہم حقیقت کی طرف اشارہ کرتا ہے۔

واضح رہے کہ زارا نور عباس اپنی سادہ زندگی، خاندانی اقدار اور مثبت خیالات کے باعث مداحوں میں خاصی مقبول ہیں۔