محبت کی فتح؛ لو اسٹوری فلم “سَیّارا” نے دنیا بھر کے باکس آفس پر تہلکہ مچا دیا
رومانس پر مبنی فلم “سَیّارا” نے ریلیز کے پہلے ہفتے میں عالمی سطح پر 500 ملین ڈالر سے زائد کما کر باکس آفس پر تہلکہ مچا دیا ہے۔
فلم کو امریکہ، برطانیہ، متحدہ عرب امارات، بھارت اور یورپ کے مختلف ممالک میں یکساں پذیرائی حاصل ہوئی۔ کئی بڑے سنیما گھروں میں فلم کے تمام شوز مکمل طور پر فروخت ہو گئے، اور آن لائن ٹکٹ پلیٹ فارمز پر بھی فلم کی مانگ میں غیر معمولی اضافہ دیکھنے میں آیا۔
فلمی حلقوں کے مطابق ’’سَیّارا‘‘ کی کامیابی میں مضبوط اسکرپٹ، معیاری اداکاری اور متاثر کن موسیقی نے مرکزی کردار ادا کیا۔ فلم کے مرکزی اداکاروں کی پرفارمنس کو ناقدین کی جانب سے بھی سراہا جا رہا ہے۔
فلم کے پروڈیوسرز نے اعلان کیا ہے کہ شاندار ردعمل کے باعث اب ’’سَیّارا‘‘ کو دیگر زبانوں میں ڈب کر کے مزید ممالک میں ریلیز کیا جائے گا۔
سوشل میڈیا پر بھی فلم کا تذکرہ زوروں پر ہے، جہاں شائقین فلم کے گانے، مناظر اور ڈائیلاگز کو وائرل کر رہے ہیں۔ فلمی ماہرین کے مطابق اگر یہی رفتار برقرار رہی تو ’’سَیّارا‘‘ جلد ہی رواں سال کی سب سے زیادہ کمائی کرنے والی فلم بن سکتی ہے۔