روہت شرما کے بعد بھارت کو ایک اور بھلکڑ کپتان مل گیا
بھارتی کرکٹ ٹیم ایک بار پھر دلچسپ خبروں کی زد میں آ گئی ہے، اس بار وجہ بنے ہیں ٹیم کے نئے عبوری کپتان شریاس ایر، جنہوں نے حالیہ سیریز کے دوران ایک اہم پریس کانفرنس ہی بھول کر پوری ٹیم کو حیران کر دیا!
واقعہ اس وقت پیش آیا جب بھارت اور سری لنکا کے درمیان کھیلے جانے والے ٹی ٹوئنٹی میچ سے قبل بورڈ کی جانب سے ایک اہم میڈیا سیشن رکھا گیا تھا، جس میں کپتان کو شرکت کرنی تھی۔ لیکن شریاس ایر نہ صرف اس سیشن کو بھول گئے، بلکہ ٹیم میٹنگ میں مصروف رہے۔ جب میڈیا نے منتظمین سے تاخیر کی وجہ پوچھی، تو معلوم ہوا کہ کپتان کو ہی دعوت نامہ یاد نہ رہا
یہ واقعہ فوراً سوشل میڈیا پر وائرل ہو گیا، اور شائقین نے دلچسپ تبصرے شروع کر دیے۔ کسی نے کہا “روہت شرما کی طرح اب بھارت کو ایک اور ’بھولنے والا کپتان‘ مل گیا ہے”، تو کسی نے ہنستے ہوئے لکھا “ٹاس بھولنا نہ شروع کر دے!
واضح رہے کہ سابق کپتان روہت شرما بھی کئی مواقع پر اپنی ’بھولنے کی عادت‘ کے باعث خبروں میں رہ چکے ہیں — چاہے وہ فیلڈنگ میں کھلاڑیوں کو درست جگہ نہ دینا ہو یا میچ کے دن وقت پر نہ پہنچنا۔
بی سی سی آئی کے ذرائع کے مطابق یہ واقعہ محض ایک غلط فہمی تھی، اور اس پر اندرونی طور پر بات کر لی گئی ہے۔ تاہم شریاس ایر کو آئندہ ذمہ داری کے ساتھ اپنا کردار ادا کرنے کی ہدایت دی گئی ہے۔