ملک گیر سطح پر 911 ہیلپ لائن کا فوری اجرا — عوامی تحفظ کا نیا دور شروع
عوامی تحفظ اور فوری امدادی رسپانس کو یقینی بنانے کے لیے حکومت نے ایک بڑا قدم اٹھاتے ہوئے ملک بھر میں 911 ایمرجنسی ہیلپ لائن کو فوری طور پر فعال کر دیا ہے۔ اس سروس کے ذریعے شہری اب کسی بھی ہنگامی صورتحال میں صرف ایک نمبر ڈائل کرکے مدد حاصل کر سکیں گے، خواہ وہ پولیس کی ضرورت ہو، ایمبولینس، فائر بریگیڈ یا دیگر ریسکیو ادارے۔
وزیراعظم آفس سے جاری بیان میں کہا گیا ہے کہ “911 ہیلپ لائن کا مقصد ایک مربوط نظام کے تحت شہریوں کو فوری، آسان اور موثر رسپانس فراہم کرنا ہے تاکہ جان و مال کے تحفظ کو یقینی بنایا جا سکے۔”
وزارت داخلہ کے مطابق یہ سروس 24 گھنٹے اور ہفتے کے ساتوں دن دستیاب ہوگی۔ ماہر آپریٹرز کو خصوصی تربیت دی گئی ہے تاکہ وہ ہر کال کو فوری اہمیت کے ساتھ متعلقہ ادارے تک پہنچائیں۔
ماہرین کا کہنا ہے کہ یہ اقدام نہ صرف شہریوں کے اعتماد کو بحال کرے گا بلکہ ایمرجنسی رسپانس نظام کو بھی جدید خطوط پر استوار کرنے میں سنگِ میل ثابت ہوگا۔
ادھر عوامی حلقوں کی جانب سے اس فیصلے کا خیرمقدم کیا جا رہا ہے اور شہریوں نے امید ظاہر کی ہے کہ یہ نظام دیرپا اور مؤثر ثابت ہوگا۔
