شادی کے لیے دعا کرتی ہوں لیکن ہو نہیں رہی، نورین گلوانی
کراچی: معروف سوشل میڈیا شخصیت اور اداکارہ نورین گلوانی نے حال ہی میں اپنے مداحوں سے ایک دِل چسپ اور جذباتی بات شیئر کی۔ نورین کا کہنا ہے کہ وہ کافی عرصے سے اپنی شادی کے لیے دعا کر رہی ہیں، مگر اب تک ان کی دعا قبول نہیں ہوئی۔نورین گلوانی نے سوشل میڈیا پر ایک ویڈیو پیغام میں کہا، “شادی ہر لڑکی کا خواب ہوتا ہے اور میں بھی اللہ سے یہی دعا کرتی ہوں کہ میری شادی ایک اچھے انسان سے ہو۔ میں نماز بھی پڑھتی ہوں، دعا بھی کرتی ہوں، لیکن ابھی تک کچھ نہیں ہو رہا۔
“اداکارہ کے مطابق وہ اپنے گھر والوں کی خوشی کے لیے بھی شادی کی خواہش رکھتی ہیں۔ ان کا کہنا تھا کہ وہ اللہ کی رضا پر یقین رکھتی ہیں اور جانتی ہیں کہ ہر کام اپنے وقت پر ہوتا ہے۔ نورین نے مزید کہا کہ وہ مایوس نہیں ہیں، لیکن کبھی کبھی دل اُداس ہو جاتا ہے۔
سوشل میڈیا صارفین نے نورین کی اس سچائی کو سراہا اور ان کے لیے دعا کی کہ اللہ ان کی خواہش جلد پوری کرے۔ بعض مداحوں نے مزاحیہ انداز میں رشتے کے لیے خود کو بھی پیش کیا۔واضح رہے کہ نورین گلوانی ماضی میں بھی مختلف سماجی موضوعات پر اپنی رائے کا اظہار کرتی رہی ہیں، اور ان کی باتیں اکثر نوجوانوں کے دل کی آواز بن جاتی ہیں۔