بھارتی گلوکار دلجیت دوسانجھ پاکستانی گلوکار سجاد علی کے مداح نکلے

بھارت کے معروف گلوکار اور اداکار دلجیت دوسانجھ نے حالیہ گفتگو میں پاکستانی موسیقی، خصوصاً لیجنڈری گلوکار سجاد علی کی فنکاری کی کھل کر تعریف کی ہے۔ انہوں نے اعتراف کیا کہ وہ سجاد علی کے پرانے اور کلاسیکی گانوں کے مداح ہیں اور ان کی موسیقی کو بار بار سنتے ہیں۔

دلجیت دوسانجھ ایک ڈیجیٹل انٹرویو میں گفتگو کرتے ہوئے بولے

سجاد علی کی آواز میں ایک الگ جادو ہے، ان کے گانے وقت کے ساتھ اور خوبصورت ہو گئے ہیں۔ میں اکثر ان کا گانا ’ہر ظلم تیرا یاد ہے‘ سن کر متاثر ہوتا ہوں۔

ابھی تک سجاد علی کی جانب سے اس بیان پر کوئی باضابطہ ردعمل سامنے نہیں آیا، تاہم ان کے قریبی ذرائع کا کہنا ہے کہ وہ اس اظہار کو مثبت انداز میں دیکھتے ہیں۔

ماضی میں بھی دلجیت دوسانجھ کئی پاکستانی فنکاروں، خصوصاً نصرت فتح علی خان اور راحت فتح علی خان کے بارے میں اپنے جذبات کا اظہار کر چکے ہیں۔ ان کا کہنا ہے کہ اچھی موسیقی سرحدوں سے آزاد ہوتی ہے۔

فن و ثقافت سے جڑی شخصیات کا ماننا ہے کہ اس قسم کے بیانات فنکاروں کے درمیان تعلقات کو مضبوط کرنے میں اہم کردار ادا کرتے ہیں۔ دونوں ملکوں کے درمیان سیاسی کشیدگی کے باوجود ثقافتی ہم آہنگی قائم رکھنے میں موسیقی نے ہمیشہ پل کا کردار ادا کیا ہے۔