ماں نے بیٹے کو گرل فرینڈ کے ساتھ نیپال جانے سے روکنے کے لیے طیارے میں بم کی جھوٹی اطلاع دے دی

پولیس کے مطابق، 50 سالہ خاتون (نام ظاہر نہیں کیا گیا) نے مقامی پولیس اسٹیشن میں فون کر کے اطلاع دی کہ اُس کے بیٹے کے طیارے میں بم موجود ہے۔ جب تفتیش ہوئی تو سی سی ٹی وی، فون ریکارڈز اور ٹریسز سے ثابت ہوا کہ یہ کال اُسی ماں کی جانب سے کی گئی تھی، جو اپنے بیٹے کو اُس کی گرل فرینڈ کے ساتھ نیپال جانے سے روکنا چاہتی تھی۔

ماں نے دورانِ تفتیش انکشاف کیا کہ وہ اپنے بیٹے کی محبت کے خلاف تھی اور سمجھتی تھی کہ لڑکی اس کے بیٹے کو “ورغلا” رہی ہے۔ اُس کا کہنا تھا کہ وہ صرف یہ چاہتی تھی کہ بیٹا واپس آئے، مگر حالات اس حد تک پہنچ جائیں گے، اس کا اندازہ نہیں تھا۔میں نے سوچا شاید فلائٹ کینسل ہو جائے، وہ غصے سے واپس آ جائے گا۔ لیکن اب مجھے اندازہ ہوا ہے کہ یہ ایک سنگین جرم تھا،” دوسری جانب، نوجوان جوڑا اب بھی کھٹمنڈو پہنچنے کی کوشش میں ہے — لیکن شاید اب وہ “محبت کی پرواز” کے بجائے عدالت کی پیشیوں میں زیادہ مصروف رہے گا۔