شادی بچانے کیلئے شوبز چھوڑا لیکن رشتہ برقرار نہ رہ سکا، نازلی نصر

معروف اداکارہ نازلی نصر نے انکشاف کیا ہے کہ انہوں نے اپنی شادی کو بچانے کے لیے شوبز کی دنیا کو خیرباد کہا، لیکن اس کے باوجود ان کا رشتہ برقرار نہ رہ سکا۔

ایک حالیہ انٹرویو میں نازلی نصر نے اپنی ذاتی زندگی کے حوالے سے کھل کر بات کی۔ ان کا کہنا تھا کہ وہ شادی کے بعد مکمل طور پر گھریلو زندگی کو ترجیح دینا چاہتی تھیں، اسی لیے شوبز سے کنارہ کش ہو گئیں۔ تاہم، ان کی یہ قربانی ان کے رشتے کو بچا نہ سکی۔

اداکارہ نے مزید کہا کہ کئی بار عورت اپنی زندگی کے خواب اور کریئر کو چھوڑ کر گھر بسانے کی کوشش کرتی ہے، لیکن بعض اوقات حالات اس کے برعکس ہو جاتے ہیں۔

نازلی نصر نے یہ بھی کہا کہ وہ اب ماضی کو پیچھے چھوڑ کر زندگی میں آگے بڑھ چکی ہیں اور وہ ان تمام خواتین کے ساتھ ہیں جو زندگی کے چیلنجز کے باوجود ہمت نہیں ہارتیں۔یاد رہے کہ نازلی نصر نے کئی مشہور ڈراموں میں اپنی جاندار اداکاری سے ناظرین کے دل جیتے تھے، اور ان کا شمار پاکستانی ٹیلی ویژن کی باصلاحیت اداکاراؤں میں ہوتا ہے۔