مصروف زندگی میں صحت کا خیال رکھنے کے طریقے
آج کی تیز رفتار دنیا میں ہر شخص کام، کاروبار اور ذمہ داریوں میں الجھا ہوا ہے۔ مصروف زندگی کے اس سفر میں اکثر لوگ اپنی صحت کو نظر انداز کر دیتے ہیں۔ لیکن یاد رکھنا چاہیے کہ اچھی صحت کے بغیر کامیاب زندگی ممکن نہیں۔ اس لیے ضروری ہے کہ ہم اپنی روزمرہ کی روٹین میں چند چھوٹی لیکن اہم تبدیلیاں کریں تاکہ صحت مند رہ سکیں۔
دن کی شروعات ورزش سے کریں
چند منٹ کی ورزش یا واک پورے دن کو توانا بنا دیتی ہے۔ مصروف زندگی میں بھی صبح جلدی اٹھ کر ہلکی پھلکی ایکسرسائز کو معمول بنا لیں۔ اس سے نہ صرف جسم فعال رہتا ہے بلکہ ذہنی سکون بھی ملتا ہے۔
متوازن غذا کا استعمال
فاسٹ فوڈ یا جلدی میں کھائے جانے والے غیر صحت مند کھانے جسم پر برا اثر ڈالتے ہیں۔ کوشش کریں کہ سبزیاں، پھل، دالیں اور پروٹین والی خوراک اپنی ڈائٹ میں شامل کریں۔ مناسب پانی پینا بھی بہت ضروری ہے۔
وقت پر آرام اور نیند
نیند کی کمی سب سے بڑا مسئلہ ہے جو مصروف زندگی میں صحت کو متاثر کرتا ہے۔ روزانہ کم از کم سات گھنٹے کی نیند لینے کی عادت ڈالیں تاکہ جسم اور دماغ تازہ دم رہ سکیں۔
ذہنی سکون کے لیے وقت نکالیں
روزانہ تھوڑا وقت اپنے لیے نکالیں۔ کتاب پڑھیں، دعا کریں یا مراقبہ کریں۔ ذہنی سکون صحت کے لیے اتنا ہی ضروری ہے جتنا جسمانی تندرستی۔
ٹیکنالوجی کے استعمال کو محدود کریں
لمبے وقت تک موبائل یا کمپیوٹر اسکرین دیکھنے سے آنکھوں اور دماغ پر دباؤ پڑتا ہے۔ کام کے ساتھ ساتھ چھوٹے بریک لینا اور ٹیکنالوجی سے تھوڑا فاصلے پر رہنا صحت مند عادت ہے۔
