گھر ایک ایسی جگہ ہے جہاں سکون، محبت اور خوشی کی بنیاد رکھی جاتی ہے۔ جب ایک لڑکی شادی کے بعد اپنے نئے گھر میں قدم رکھتی ہے تو وہ اپنے خوابوں اور امیدوں کے ساتھ چاہتی ہے کہ یہ رشتہ مضبوط ہو۔ لیکن حقیقت یہ ہے کہ کبھی کبھار کچھ چھوٹی چھوٹی عادتیں بڑی مشکلات پیدا کر دیتی ہیں۔ اکثر خواتین یہ سوچتی بھی نہیں کہ کونسی عادت انکا گھر خراب کر رہی ہے، لیکن یہی معمولی سی باتیں تعلقات کو کمزور بنا دیتی ہیں۔
بات بات پر شک کرنا
اعتماد ہر رشتے کی بنیاد ہے۔ اگر بیوی ہر وقت شوہر پر شک کرنے لگے، اس کی سرگرمیوں پر غیر ضروری نظر رکھے یا ہر فون کال اور میسج کی تفتیش شروع کر دے تو یہ رشتہ ٹوٹ پھوٹ کا شکار ہو سکتا ہے۔ یہ عادت آہستہ آہستہ شوہر کو دور لے جاتی ہے اور گھر کا سکون ختم کر دیتی ہے۔
دوسروں سے زیادہ موازنہ کرنا
اکثر خواتین اپنی زندگی کا موازنہ دوسروں سے کرنے لگتی ہیں۔ “میری سہیلی کے شوہر نے اسے یہ دیا، تم نے مجھے کیوں نہیں دیا؟” جیسی باتیں شوہر کو احساسِ کمتری اور ذہنی دباؤ میں مبتلا کر دیتی ہیں۔ یہی وہ چھوٹی سی عادت ہے جو بغیر جانے لڑکیوں کا گھر خراب کر رہی ہے۔
زبان کی سختی
ایک عورت کے نرم لہجے میں بہت کشش ہوتی ہے، لیکن اگر یہی لہجہ سخت اور تلخ ہو جائے تو رشتوں کی خوبصورتی ختم ہو جاتی ہے۔ شوہر سے بحث کرتے وقت بدزبان ہونا یا ہر معاملے میں طنزیہ رویہ اختیار کرنا رشتے میں دراڑ ڈال دیتا ہے۔
ضرورت سے زیادہ توقعات رکھنا
یہ حقیقت ہے کہ ہر عورت چاہتی ہے کہ اس کی زندگی کا ساتھی اسے خوش رکھے، لیکن اگر توقعات ضرورت سے زیادہ بڑھ جائیں تو وہ بوجھ بن جاتی ہیں۔ کبھی کبھار خواتین بھول جاتی ہیں کہ شوہر بھی انسان ہے، وہ ہر وقت ان کی خواہشات پوری نہیں کر سکتا۔ یہی وہ عادت ہے جو لڑکیوں کا گھر خراب کر رہی ہے۔
دوسروں کی باتوں پر چلنا
اکثر دیکھا گیا ہے کہ کچھ خواتین اپنی ساس یا نند کی باتوں سے زیادہ اپنی ماں یا بہنوں کے مشورے پر چلتی ہیں۔ اس میں برا کچھ نہیں، لیکن اگر ہر چھوٹا بڑا فیصلہ صرف دوسروں کی رائے سے کیا جائے تو شوہر کو لگتا ہے کہ بیوی اس کی عزت اور فیصلہ سازی کو اہمیت نہیں دیتی۔ اس سے گھر کا ماحول خراب ہوتا ہے۔
مثبت رویے کی کمی
گھر خوشیوں سے اسی وقت بھرتا ہے جب عورت اپنے رویے کو مثبت رکھے۔ اگر وہ ہر وقت شکایت کرے، ناراض رہے یا ہر بات میں منفی پہلو تلاش کرے تو یہ عادت گھر کے سکون کو کھا جاتی ہے۔ شوہر اور بچے بھی اس ماحول سے بیزار ہو جاتے ہیں۔
